COÑECEMOS AS PROFESIÓNS

Cando xa pensabamos que non había máis visitas este trimestre...sorpresa! Este martes acudiu á nosa clase Miguel, o papá de Daniela. Miguel é militar e...puxémonos un pouco serios e serias cando o vimos entrar co traxe...

Miguel foinos explicando o significado de todos os elementos que leva no traxe: as medallas, os escudos, a coroa... E tamén nos mostrou outros traxes que levan, como o de camuflaxe, e os seus complementos: cantimplora, gorros, lanternas...

Tamén nos mostrou algunhas imaxes dunha das súas misións nun país estranxeiro durante unha das súas misións alí despois dun terremoto.

E, como regaliño, deixounos uns folletos e uns debuxos do militar José para colorear.

Moitas grazas polo teu tempo e por vir a compartir un ratiño con nós!!